Kreu i PD-së, Sali Berisha, përmes një postimi në facebook ka reagur lidhur me dhunën e ushtruar ndaj avokatit Kujtim Cakranit, pasditen e sotme në Vlorë. Sipas kryedemokratit kjo përbën një akt kriminal e të shëmtuar shtetëror.
Postimi i Berishës
Dhunimi i Avokatit Kujtim Cakrani, një akt kriminal shtetëror i shëmtuar.
Të dashur miq, sot avokati i mirënjohur Kujtim Cakrani që sot është dhe avokati i ish-Presidentit dhe kryetarit të Partisë së Lirisë, Ilir Meta goditet shtazërisht pa asnjë shkak, por vetëm e vetëm për shkak të detyrës dhe shtrohet në spital me fraktura në kokë.
Partia Demokratike i uron shërim të shpejtë dhe të plotë Avokatit Kujtim Cakrani, dënon me forcën më të madhe këtë akt shtazor si një krim të shëmtuar të parapregatitur shtetëror të frymëzuar dhe sponsorizuar nga Edi Rama dhe organizata e tij kriminale dhe ju rikujton atyre se përgjegjësia direkte është e tyre dhe se drejtësia vonon por nuk harron.
