Kryetari i Partisë Demokratike, Sali Berisha, ka reaguar ndaj mbledhjes së Grupit Parlamentar të PS-së, duke shprehur shqetësimin për mesazhin që qeveria e drejtuar nga Edi Rama dhe zv/kryeministrja Belinda Balluku i dërguan Evropës.
Sipas tij, ky mesazh tregon se drejtësia nuk është një prioritet për qeverinë shqiptare, duke vendosur pengesa për integrimin e vendit në Bashkimin Europian.
“Dy ditë më parë, u ftua në Bruksel për t’i komunikuar këto që ne kërkojmë sot, shtetin ligjor, heqjen e imuniteteve, gjykimin e korrupsionit. Para se të nisej së bashku me Lubinë, bënë mbledhjen e grupit parlamentar dhe në një sfidë të hapur, që tejkalon çdo lloj standarti, i dërguan Evropës mesazhin se ‘integrimin e mirëpresim, por drejtësinë nuk e njohim.'”
