19 vjet pas kundërshtimeve të tij ndaj Pakos së Ahtisarit, kreu i Lëvizjes Vetëvendosje, Albin Kurti, ka komentuar ndikimin e protestave të vitit 2007 në përmbajtjen e raportit të Ahtisarit.
Kurti ka theksuar se demonstrata e organizuar më 10 shkurt të atij viti kishte kontribuar, sipas tij, në përfshirjen e termit “pavarësi” në dokumentin e Ahtisarit, duke i dhënë një dimension të ri debatit rreth pavarësisë së Kosovës.
“Dy gjëra të mëdha kanë ndodhur pas protestës së 10 shkurtit 2007. E para, Pako e Ahtisarit zbarkoi në Kosovë më 2 shkurt. Tetë ditë më vonë e mbajtëm protestën. Më 13 mars, Ahtisari ia shton një letër raportit të tij, ku për herë të parë përdor fjalën pavarësi në kuadër të togfjalëshit ‘pavarësi e mbikëqyrur’. 13 mars 2007, një muaj pas protestës tonë.”
