Gjatë seancës së sotme për vrasjen e Liridona Ademajt, Naim Murseli, i dyshuari për këtë krim, kërkoi të komunikonte me djalin e tij dhe me liderin politik Behgjet Pacolli.
Gjyqtarja Fatime Dermaku shqyrtoi kërkesat dhe dha një sqarim për secilën prej tyre, duke sqaruar se çfarë mund të lejohet dhe çfarë jo, në përputhje me ligjin.
“Sa i përket kërkesës për komunikim me djalin, kemi pasur kontakt me autoritetet suedeze dhe jemi duke pritur një përgjigje nga ana e tyre. Ndërsa kërkesa për të komunikuar me Behgjet Pacollin dhe dhëndrin tuaj, është një kërkesë që nuk lejohet, pasi ata bien në kategorinë e personave që ligji nuk e mundëson,” tha gjyqtarja Fatime Dermaku.
