Presidentja e Komisonit Europian, Ursula von der Leyen ka reaguar pas deklaratës së pesë vendeve europiane, sipas së cilës, lideri i opozitës ruse u helmua me toksinë bretkosash.
Von der Leyen deklaroi se helmimi i Navalny është akt frikacak i presidentit Vladimir Putin.
Sipas saj, prej kohësh, Rusia ka vepruar si shtet terrorist.
“Pesë vende evropiane kanë deklaruan që Rusia helmoi Alexei Navalny. Ishte një akt frikacak nga një udhëheqës i frikësuar. Rusia ka vepruar prej kohësh si një shtet terrorist, duke u mbështetur në metoda terroriste, duke helmuar kundërshtarët politikë, duke heshtur gazetarët, duke pushtuar fqinjët paqësorë. Kjo është fytyra e vërtetë e Rusisë sot. Ne nderojmë kujtimin e Alexei Navalnyt dhe të gjithë atyre që Rusia e Putinit i ka heshtur me dhunë gjatë viteve”, tha ajo.
