PD sot ka zhvilluar foltoren e radhës para kryeministrisë, nga podiumi fjalën e ka marrë lideri demokrat Sali Berisha, teksa falenderon të rinjtë demokrat për angazhimin ndaj narkodiktaturës.
“Dënoj me forcën më të madhe dhunën në polici ndaj të rinjve dhe adoleshentëve. Paralajmëroj policinë se nuk do të lejojmë keqtrajtime ndaj protestuesve. Nuk do të tolerohet asnjë dhunë ndaj të rinjve të protestës, ne mblidhemi këtu në emër të idealeve të lirisë”, u shpreh Berisha.
