Policia e Tiranës ka ndaluar 8 persona për akuzën e shfrytëzimit të fëmijëve të mitur për punë dhe lypje.
Katër prej tyre, Eles Brahimaj, Rakip Sinani, Mikel Rama dhe Miklovan Gogaj, janë ndaluar dhe iu është caktuar masa e sigurisë “Arrest në burg”.
Ndërsa L. B., A. M., M. S. dhe A. Sh. janë lënë në masën e sigurisë “Arrest në shtëpi”.
Hetimet kanë treguar se këta shtetas shfrytëzonin fëmijët e tyre të moshave 9-11 vjeç për të punuar dhe për të lypur kryesisht gjatë natës, në zona të ndryshme të Tiranës.
Materialet e procedurës iu referuan Prokurorisë së Tiranës për veprime të mëtejshme për veprën penale “Keqtrajtimi i të miturit”.
