Ish-kryeparlamentari Kadri Veseli tha sot fjalën e fundit në Hagë.
“Terrori dhe masakrat si ato në Srebrenicë filluan me ndodhë edhe në vendin tim, në Kosovë. S’mund të qëndroja indiferent.
Jeta ime kishte kuptim vetëm nëse populli im mund të jetonte në liri, prandaj u ktheva në Kosovë. Jo si ushtar i trajnuar, por si student” tha ai.
“E vërteta nuk ka frikë nga drejtësia. Unë e di kush jam, unë e di çka kam bërë. Ndërgjegjja ime është e pastër”, tha ai.
“Tragjedia në Prekaz më 5,6 dhe 7 mars 1998, nuk ka qenë një akt i izoluar, por vazhdim i masakrave të kryera prej forcave serbe.
Aktet të tilla terrori tejkaluan frikën normale të popullit të thjeshtë, dhe drojën e politikanëve dhe intelektualëve në Kosovë. Terrori dhe masakrat si ato në Serbrenicë, kishin filluar të ndodhin edhe në vendin tonë.
Nuk mund të qëndroja indeferent teksa populli im po përballej me shkatërrim, jeta ime kishte kuptim vetëm nëse populli im mund të jetonte në liri, prandaj jam kthyer në Kosovë”.
