Pas viteve të fundit të suksesshme në Champions League, futbolli italian po përjeton një periudhë të vështirë.
Edhe pse kishte arritur të mbante tri skuadra në çerekfinale vetëm tre sezone më parë, këtë vit Italia ka humbur terren. Juventus, Atalanta dhe Inter pësuan tri humbje në ndeshjet e para të playoff-it, duke e vështirësuar ndjeshëm kalimin në fazën tjetër.
Humbjet erdhën përballë kundërshtarëve të fortë, si Galatasaray, Borussia Dortmund dhe Bodø/Glimt, ndërsa paraqitjet e skuadrave italiane kanë lënë për të dëshiruar.
Të gjitha humbjet u shoqëruan me një numër të madh golash të pësuar dhe performanca të dobëta në fushë.
Italia po humb terren edhe në renditjen europiane, dhe shpresat për të siguruar një vend të pestë në edicionin e ardhshëm të Champions League duken të pamundura. Juventus, Atalanta dhe Inter tani përballen me misione të vështira, ku kërkohet një përmbysje e madhe në ndeshjet e kthimit.
Për Juventusin dhe Interin, misioni është të shënojnë të paktën tri gola për të shkuar në shtesë, një kërkesë që duket pothuajse e pamundur pas dëmtimeve të lojtarëve kyç. Tashmë, skuadrat italiane nuk kanë më hapësirë për gabime – ose kalojnë në fazën tjetër, ose do të përballen me një eliminim të shpejtë dhe zhgënjyes nga Europa.
