Deputetja e Partisë Demokratike, Ina Zhupa, ka bërë një akuzë të fortë në Kuvend, duke e cilësuar Parlamentin një “fabrikë ligjesh me porosi”. Ajo ka akuzuar mazhorancën se po mbron zëvendës kryeministren Belinda Balluku për më shumë se dy muaj, duke e lidhur këtë veprim me korrupsionin politik dhe rrezikun që ky fenomen përbën për Reformën në Drejtësi.
“Parlamenti është kthyer në një fabrikë ligjesh me porosi, për të mbrojtur qeveritarët ose për t’u dhënë oligarkëve copa të Shqipërisë. Korrupsioni politik është forma e dytë më e sofistikuar, ku ish-kryetarja e GJK, tre muaj pas dorëheqjes, votohet si anëtare e Këshillit Mbikëqyrës të BSH, duke treguar se gjithmonë e keni mbështetur. Po ashtu, ju keni dy muaj që i siguroni mbrojtje Belinda Ballukut. Korrupsioni penal po rrezikon Reformën në Drejtësi.”
