Një erë e fortë që ka përfshirë qytetin e Vlorës gjatë mbrëmjes së djeshme dhe natës ka shkaktuar dëme të konsiderueshme.
Rreth orës 04:00 të mëngjesit, në zonën e Pyllit të Sodës, një pishë e madhe është rrëzuar nga erërat e fuqishme, duke bllokuar plotësisht aksin rrugor që çon drejt fshatit Zvernec.
Pas rrëzimit të pemës, një automjet që po kalonte në segmentin e bllokuar ka përplasur pishën, por fatmirësisht nuk ka pasur viktima, vetëm dëme materiale.
Forcat e zjarrfikëses kanë mbërritur shpejt në vendngjarje, kanë prerë dhe larguar pemën, duke mundësuar rikthimin e qarkullimit normal në këtë aks.
