Kryeministri Albin Kurti ka shpallur prioritetet e tij legjislative për periudhën 2026-2028, duke përmendur dy projektligje të rëndësishme që do të adresojnë çështje të korrupsionit dhe stabilitetit të çmimeve.
Këto nisma synojnë forcimin e institucioneve dhe përmirësimin e kushteve për qytetarët.
“Po ashtu, do ta vendosim për votim agjendën legjislative për vitet në vijim. Aty ndër të tjera, përfshihen Projektligji për Byronë Shtetërore për Konfiskimin e Pasurisë së Pajustifikueshme dhe Projektligji i ri për Çmimet Tavan: të dy zotime tona, të dy nevoja të vendit dhe qytetarëve, të cilat përmbushen dhe plotësohen shumë shpejt,” tha Kurti gjatë mbledhjes së qeverisë.
