Sekretari Marco Rubio ka dhënë një mesazh të fortë lidhur me revokimin e vizave për individët që përbëjnë kërcënim për politikën e jashtme dhe sigurinë kombëtare të Shteteve të Bashkuara.
Gjatë një konference të zhvilluar me kryeministrin hungarez, Viktor Orban, Rubio deklaroi se çdo vizitor që shkel interesat kombëtare të SHBA-së, qoftë student, turist, gazetar, apo ndonjë person tjetër, do të përballet me heqjen e vizës.
“Nëse unë identifikoj një vizitor në vendin tonë, prania e të cilit përbën kërcënim për politikën tonë të jashtme dhe sigurinë kombëtare, ne do t’ia heqim vizën”, tha Rubio. Ai shtoi se në disa raste, revokimi i vizës mund të paraqesë një masë paraprake për ekzekutimin e veprimeve të tjera nga ana e vizitorëve të huaj.
