Shërbimi Sekret i SHBA-së tha se agjentët qëlluan dhe vranë një burrë rreth të 20-ave, i cili u përpoq të hynte pa leje brenda perimetrit të sigurisë së resortit Mar-a-Lago të Donald Trump në West Palm Beach të Floridës. Trump ndodhet aktualisht në Uashington.
Zëdhënësi i agjencisë përgjegjëse për mbrojtjen e figurave të larta politike në Shtetet e Bashkuara njoftoi se burri, rreth 20 vjeç, i cili kishte hyrë ilegalisht në perimetrin e sigurisë së rezidencës së Donald Trump në Mar-a-Lago në Florida, ishte i armatosur.
“Një person i armatosur u qëllua dhe u vra pasi hyri ilegalisht në perimetrin e sigurisë së Mar-a-Lago herët këtë mëngjes”, tha Anthony Guglielmi nëpërmjet X.
