Rruga Maliq-Gramsh, e cila është propozuar si një alternativë për lidhjen me Tiranën, ka përjetuar një seri problematikash që po dëmtojnë infrastrukturën dhe po shkaktojnë pengesa për qarkullimin.
Pjesë të saj janë prekur nga shembje, çarje të asfaltit dhe rrëshqitje anësore që po dëmtojnë trupin e rrugës, duke vështirësuar lëvizjen.
Problemet u shtuan edhe më tej pas bllokimit të tre trajlerave në zonën e Moglicës, që shkaktuan kaos dhe paralizuan qarkullimin për disa orë. Forcat e Policisë ndërhynë për të menaxhuar situatën dhe hapur gradualisht rrugën.
Këto ngjarje kanë ngritur pikëpyetje mbi cilësinë e punimeve të realizuara nga kompania Gjikuria, pasi ndërtimi i këtij segmenti ka kërkuar një investim të konsiderueshëm prej rreth 1.4 miliardë lekësh.
