Një ngjarje ka ndodhur pasditmen e sotme në qytetin e Korçës, ku dyshohet se një 64-vjeçar është hedhur nga kati i dytë i banesës së tij.
Sipas policisë, rreth orës 17:00, në lagjen nr. 5, personi me iniciale A. P. është hedhur nga lartësia e katit të dytë të pallatit ku banonte.
Menjëherë pas ngjarjes ai është transportuar drejt spitalit, ku ndodhet nën kujdesin e mjekëve dhe fatmirësisht është jashtë rrezikut për jetën.
Në vendngjarje ka mbërritur grupi hetimor, i cili po punon për zbardhjen e plotë të rrethanave dhe shkaqeve të këtij rasti.
