Deputeti demokrat, Klevis Balliu, përmes një video-postimi në rrjetin e tij facebook, ka hedhur akuza të forta mbi Belinda Ballukun dhe Edi Ramën, duke thënë se kanë ndërhyrë tek dëshmitarët dhe provat përmes parave të vjedhura nga populli.
Postimi i Balliut
Qeveria është e gjitha në mbrojtje të Lubisë për të mbrojtur vjedhjen, ndërkohë që kërkon të arrestohen qytetarët që protestojnë sepse janë vjedhur.
Lubia ndërkohë ka ndërhyrë në hetime edhe më fort, me para dhe me çdo mjet. Ajo ka 11 akuza për shkeljet në tendera që shkojnë në total rreth 1.1 miliard euro.
Kjo qeveri hajdutësh do të bëjë gjithçka për të mbrojtur vjedhjen që të vazhdojë vjedhja, ndaj edhe ne duhet të bëjmë gjithçka për t’i rrëzuar këta pushtetarë të korruptuar dhe për të shpëtuar qytetarët nga vjedhja.
