Ambasadori i Francës në Prishtinë, Oliver Guerot, ka reagur lidhur me klimën politike të fundit, në Kosovë për zgjedhjen e Presidentit dhe konsensusin politik që duhet të gjejnë palët mbi këtë çështje, ku afati përfundimtar është deri më 4 mars, në të kundërt vendi do të shkojë në zgjedhje të parakohshme.
“Mendoj se është shumë mirë që partitë politike po flasin me njëra-tjetrën. Është e tyre që të gjejnë një zgjidhje. Kuadri institucional i Kushtetutës së Kosovës e bën të nevojshme që partitë politike të bisedojnë me njëra-tjetrën. Sigurisht, nuk dua të komentoj për këto diskutime tani sepse është çështje e tyre që të gjejnë mënyrën e duhur për zgjedhjen e presidentit”, u shpreh ambasadori francez.
