Një incident ka ndodhur mbrëmjen e sotme në Golem, ku 38-vjeçari A.B., i cili ishte me masë sigurie “Arrest në shtëpi”, është konstatuar nga Policia duke lëvizur në rrugë dhe duke shkelur kushtet e masës.
Gjatë verifikimit, A.B. ka kundërshtuar me forcë dhe ka tentuar të shmangë shoqërimin me efektivët e Policisë.
Për të kontrolluar situatën dhe shpërndarë turmën, një efektiv ka qëlluar një herë në ajër me armën e shërbimit.
Pas ndërhyrjes së shërbimeve të tjera policore, është arritur të shoqërohet A.B. dhe disa persona të tjerë të përfshirë.
Ngjarja është njoftuar dhe po hetohet nga Prokuroria e Durrësit, ndërkohë që Agjencia e Mbikëqyrjes Policore do të verifikojë procedurat e ndjekura gjatë ndërhyrjes.
