Kryeministri Edi Rama ka deklaruar sot në mbledhjen e grupit të PS-së, se gjyqësori ka ndërhyrë pa justifikim në punët e qeverisë dhe parlamentit. Ishte i ashpër me prokurorët duke marrë disa shembuj.
“Ka filluar një lëvizje sportive prokurorësh që janë turrur në garën për SPAK duke prerë fletëarreste në tufa që në rastin më të mirë nuk janë cështje penale dhe në rastin më të keq hetohen në gjendje të lirë.
Sikur ishte rasti i Durrësit ku vetëm prokurori mbeti pa i prerë vetes fletën e arrestit ndërkohë që në dhjetëra fletë të prera nuk u kurse as një punonjëse model e shtetit, 5 vite luftë me kancerin dhe një fëmijë në gji. Fletëthirrje që i ngjajnë biletave të teatrit.
Në Tiranë një ndërtues pa leje që duhej të përgjigjej që i është konfiskuar ndërtimi ka gjetur rrugën e prokurorisë për të kallëzuar shtetin. Unë në asnjë mënyrë nuk kam ndërhyrë në punët e drejtësisë” tha ai.
