Sot u hodh shorti për fazën e 1/8 të Ligës së Kampioneve, duke zbuluar çiftet që do të përballen deri në fund të kësaj faze.
Ndeshjet e para do të fillojnë më 10 mars, me Gallatasaraj – Liverpul që do të zhvillohet në orën 18:45. Ndërkohë, sfidat e tjera përfshijnë Atalanta – Bajern Mynih, Njukasëll – Barcelona dhe Atletiko Madrid – Totenhem, të cilat do të luajnë në orën 21:00.
Në 11 mars, Leverkusen – Arsenal do të jetë sfida e parë që do të zhvillohet në orën 18:45, ndërsa PSG – Çelsi, Real Madrid – Mançester Siti dhe Bodo/Glimt – Sporting Lisbonë do të luhen në orën 21:00.
Ndërsa ndeshjet e kthimit do të zhvillohen në datat 17 dhe 18 mars, duke filluar me Sporting Lisbonë – Bodo/Glimt më 17 mars dhe përfunduar më 18 mars me Barcelona – Njukasëll. Të gjitha ndeshjet do të zhvillohen në orën 21:00, përveç atyre që janë programuar në 18:45.
Ky është një sezon i mbushur me përballje interesante që do të vendosin ekipet që do të vazhdojnë më tej në garën për trofeun më të lakmuar në futbollin europian.
