Aktori i njohur i humorit, Mane Lumani, ka ndërruar jetë në moshën 79-vjeçare. I njohur për aftësinë e tij të jashtëzakonshme për imitim dhe humor, Lumani ishte pjesë e grupit legjendar “4 parodistët e Vlorës”, i cili la gjurmë të pashlyeshme në historinë e artit shqiptar.
Karriera e tij nisi në vitin 1974 dhe shquhej për humorin e tij të mprehtë dhe kritikat sociale të shprehura me ironinë e duhur.
Pas një ndërhyrjeje kirurgjikale në vitin 2004, ai humbi aftësinë për të folur, por mbeti një figurë e dashur për publikun, duke kontribuar përmes artit dhe humorit të tij.
Trashëgimia e Mane Lumanit do të vazhdojë të jetë e pranishme në kulturën shqiptare dhe në zemrat e adhuruesve të humorit të tij.
