Kryeministri izraelit, Benjamin Netanyahu, ka njoftuar se sulmet e Izraelit kundër Iranit do të vazhdojnë dhe do të përshkallëzohen në ditët e ardhshme, pas një takimi me ministrin e Mbrojtjes, Israel Katz, shefin e Shtabit të Përgjithshëm të Forcave të Armatosura, gjeneralmajor Eyal Zamir, dhe drejtorin e Mossad, David Barnea.
Netanyahu theksoi se forcat izraelite po godasin me intensitet rritës “zemrën e Teheranit” dhe paralajmëroi se sulmet do të bëhen edhe më të fuqishme.
Ai e përshkroi këtë periudhë si “dita të dhimbshme” për shkak të sulmeve iraniane që kanë shkaktuar viktima në Tel Aviv dhe Beit Shemesh.
“Zemra ime është me familjet e viktimave,” shtoi ai. Netanyahu nuk sqaroi nëse sulmet e përbashkëta me SHBA-në synojnë rrëzimin e regjimit iranian, por theksoi se kjo mundësi është një hap i nevojshëm për të goditur “regjimin e terrorit,” një premtim që sipas tij do të realizohet pas 40 vitesh pritje.
