Kuvendi i Shqipërisë do të zhvillojë një seancë plenare më 5 mars, ku pritet të diskutohet një sërë projektligjesh dhe çështjesh procedurale.
Megjithatë, çështja e ish-zv/kryeministres dhe ish-ministres së Infrastrukturës dhe Energjisë, Belinda Balluku, për të cilën Prokuroria e Posaçme (SPAK) ka kërkuar arrestimin, nuk është përfshirë në rendin e ditës të publikuar.
Po ashtu, kërkesa e SPAK për heqjen e imunitetit të Ballukut, për të mundësuar arrestimin e saj, nuk do të shqyrtohet në këtë seancë plenare.
Ky zhvillim ka shkaktuar diskutime të shumta, pasi çështja e Ballukut ka tërhequr vëmendjen e opinionit publik, duke lënë të hapur pyetje për kohën e trajtimit të kësaj çështjeje në seancat e ardhshme të Kuvendit.
