Presidentja e Kosovës, Vjosa Osmani, ka zhvilluar një takim me shefen e Ambasadës Amerikane në Kosovë, Anu Prattipati, ku diskutuan çështje të rëndësishme politike dhe kushtetuese për vendin.
“Gjatë takimit u diskutua për zhvillimet e fundit politike në vend, me theks të veçantë te rëndësia e përmbylljes së proceseve kushtetuese në përputhje të plotë me Kushtetutën. Presidentja Osmani gjithashtu ripotencoi se partneriteti me Shtetet e Bashkuara të Amerikës mbetet jetik dhe i pazëvendësueshëm për Republikën e Kosovës.”
