Kryeministri i Kosovës, Albin Kurti, ka komentuar zhvillimet e fundit në vend lidhur me mundësinë e zhvillimit të zgjedhjeve të reja.
Ai theksoi se nuk mund të flitet për zgjedhje të reja, duke vënë në dukje se po shfaqet një “zell” për to, që sipas tij, do të merrte më shumë kohë, por nuk do të ofronte zgjidhje.
Kurti u shpreh se nëse vendi do të shkojë sërish në zgjedhje, Partia Vetëvendosje (VV) do të fitojë 80 ulëse në Kuvend.
“Unë më herët kam parë gatishmëri për zgjedhje, por jo zell, tash po shoh edhe zell, për zgjedhje të reja, që do të na marrin kohë më shumë, do të jenë zgjedhje, por nuk e shoh si do të jenë zgjidhje. Nuk mund të presim të fillojmë zgjedhjet e reja, në fushata të përsëritura, që tash duhet të themi që unë i marr 80 deputetë së paku.”
