Kryetarja e Grupit Parlamentar të Lëvizjes Vetëvendosje, Arbërie Nagavci i është përgjigjur presidentes Vjosa Osmani, e cila tha mëngjesin e sotëm tha se “këtu e sollën vendin njerëz të papërgjegjshëm e me qëllime të rrezikshme”. Nagavci tha se “Osmani duhet të tregojë se kush janë këta emra të rrezikshëm”.
“Osmani e cila aktualisht vazhdon të jetë presidente e Republikës ka detyrim institucional e kushtetues, personal të tregojë me emra dhe mbiemra kush janë këta njerëz të papërgjegjshëm.
Dhe mbi të gjitha nëse janë njerëz të rrezikshëm jo vetëm se duhet ta bëjë të qartë për qytetarët por edhe është mirë të tregojë nëse ka qenë në njohuri të këtyre planeve se çfarë ka ndërmarrë ajo si presidente që t’i pengojë këto plane të rrezikshme. Është obligim i saj dhe është për keqardhje të dëgjohet një deklaratë e tillë”, deklaroi ajo.
Presidentja e Kosovës, Vjosa Osmani, ka ftuar liderët e partive politike për konsultime për caktimin e datës së zgjedhjeve, por LVV e braktisi takimin.
Kosova në zgjedhje të reja, Osmani shigjeton Kurtin: I papërgjegjshëm, i rrezikshëm!
