Policia e Durrësit ka arrestuar dy gra braziliane, N. P., 26 vjeçe dhe M. B., 39 vjeçe, të dyshuara për ushtrim prostitucioni dhe shpërndarje lëndësh narkotike.
Ato kishin marrë me qira dy ambiente në Durrës për zhvillimin e aktivitetit të paligjshëm.
Gjatë operacionit, u sekuestruan pasaportat, celularët, një shumë parash dhe sasi të vogla kanabis.
Për veprat penale të prostitucionit janë proceduar edhe pronari i ambienteve dhe një person tjetër.
Materialet iu kaluan Prokurorisë për hetime të mëtejshme.
