Komisionerja për Zgjerimin në Komisionin Evropian, Marta Kos, ka dhënë një mesazh të qartë për vendet kandidate gjatë një seance në Parlamentin Evropian, duke theksuar se procesi i anëtarësimit në Bashkimin Evropian mbetet i lidhur ngushtë me përmbushjen e standardeve demokratike dhe realizimin e reformave të nevojshme.
Ajo theksoi se vendet që duan të anëtarësohen në BE duhet të jenë demokraci të qëndrueshme, të afta të përballojnë ndikimet e jashtme, veçanërisht ato që vijnë nga Rusia.
“Vendet që i bashkohen BE-së duhet të jenë demokraci të forta dhe elastike, të afta t’i rezistojnë ndikimeve të jashtme, veçanërisht ato që vijnë nga Rusia dhe faktorë të tjerë të dëmshëm. Procesi i zgjerimit do të mbetet i bazuar në reformat dhe standardet demokratike, dhe nuk mund të ketë rrugë të shkurtra. Qytetarët evropianë presin një proces të rreptë dhe të besueshëm, dhe progresi duhet të ruhet në vijimësi përmes zbatimit të reformave.”
