Komisioni Europian ka reaguar për vendimin e Partisë Socialiste për të rrëzuar kërkesën e SPAK, për heqjen e imunitetit të ish-zv/kryeministres Belinda Balluku.
Në një përgjigje për gazetaren e A2 CNN, Fjorela Beleshi, Komisioni Europian bëri me dije se nuk mund të komentojë për çështje që janë ende në zhvillim dhe se është detyrë e Parlamentit Shqiptar të trajtojë kërkesat për heqjen e imunitetit të anëtarëve të tij.
Ky reagim vjen pas vendimit të PS-së për të mos miratuar kërkesën e SPAK, një vendim që ka shkaktuar debate në politikën shqiptare.
Në mbledhjen e PS-së që u zhvillua ditën e djeshme kryeministri Edi Rama, theksoi se mosdhënia e autorizimit nuk pengon hetimet ndaj Ballukut, por respekton parimin e prezumimit të pafajësisë dhe rolin e Parlamentit në vendimmarrje./ A2 CNN
