Një mësuese, psikologe dhe oficere sigurie në një shkollë 9-vjeçare në Vlorë janë proceduar për “shpërdorim detyre” pasi dyshohet se nuk ndërhynë për të parandaluar një konflikt mes nxënësish.
Kallëzimi është bërë nga nëna e një nxënësi, e cila pretendon se punonjësit e shkollës nuk u angazhuan për të menaxhuar përplasjen që përfshinte djalin e saj.
Pas hetimeve, Prokuroria nisi procedimin penal ndaj personave E. H., O. Zh. dhe A. I. përkatësisht mësuese, psikologe dhe oficere sigurie.
