14 kandidatura për drejtor të Policisë së Shtetit. Afati për aplikim në postin e Drejtorit të Përgjithshëm të Policisë së Shtetit përfundon këtë të mërkurë.
Pas mbylljes së afatit, Ministria e Brendshme do të publikojë emrat e kandidatëve. Brenda 10 ditëve, një Komision i Posaçëm (kryetar zëvendësministër i Brendshëm, sekretari i përgjithshëm dhe kreu i Agjencisë së Mbikëqyrjes Policore) do të kryejë verifikimin ligjor të kandidatëve. Pozicioni u shpall pas shkarkimit të Drejtorit Proda, për keqmenaxhim të protestës së opozitës.









