Një ngjarje kriminale është parandaluar në Sarandë, ku një 62-vjeçar ka kërcënuar me armë zjarri fqinjët e tij.
Pas njoftimit të qytetares, se fqinji kishte hyrë i armatosur në banesën e saj, në lagjen nr. 4, dhe kishte kanosur atë dhe familjarët e saj, shërbimet e Komisariatit të Policisë Sarandë shkuan në vendngjarje, me qëllim neutralizimin e autorit.
Si rezultat i ndërhyrjes së shpejtë u arrestua shtetasi Sh. K., 62 vjeç.
Nga hetimet e deritanishme dyshohet se shtetasi Sh. K. kishte kanosur fqinjët, me armë zjarri pistoletë me mulli, si pasojë e mosmarrëveshjeve me ta, mbi shfrytëzimin e pjesës së përbashkët të tarracës në pallatin ku banonin.
Materialet procedurale iu referuan Prokurorisë së Sarandës, për veprime të mëtejshme.
