Ish-zëvendës kryeministrja dhe ish-ministrja e Infrastrukturës dhe Energjisë Belinda Balluku rikthehet në Gjykatën e Posaçme (GJKKO), nga e cila kërkon të konstatojë shuarjen e masës së sigurisë pezullimin nga ushtrimi i funksioneve.
Në kërkesën e dorëzuar në Gjykatë, avokatët e Ballukut theksojnë se në rastin e saj masa nuk ka asnjë efekt, për sa kohë ajo është shkarkuar nga funksionet si zv kryeministre dhe ministre.
Kërkesa pritet të shqyrtohet në orën 15:00 nga gjyqtari i posaçëm Erion Çela.
Ndaj Belinda Ballukut mbetet ndërkohë në fuqi masa shtrënguese e ndalimit për të dalë jashtë vendit. Ish-ministrja e Infrastrukturës akuzohet për abuzime me tenderat e rrugëve në vlera miliona euro, ndërsa një ditë më parë maxhoranca socialiste rrëzoi kërkesën e SPAK për leje për arrestimin e saj.
