Kryeministri i Kroacisë, Andrej Plenkoviç deklaroi se armët e reja të ushtrisë së Serbisë “nuk janë parë ende në territorin evropian”. Ai tha se i ka shkruar sekretarit të Përgjithshëm të NATO-s, Mark Rutte, por refuzoi të jepte detaje të mëtejshme.
“Zagrebi nuk do të vendosë se çfarë do të ketë Serbia”- i tha Vuçiç pak javë më parë. Ai gjithashtu pretendoi se Serbia po përgatitet “për një sulm të mundshëm nga aleanca midis Prishtinës, Tiranës dhe Zagrebit”.
Për armët e reja të ushtrisë serbe ka folur edhe ministri i Mbrojtjes i Kosovës, Ejup Maqedonci. Në një intervistë për Radio Evropa e Lirë, Maqedonci u shpreh se blerja e armëve kineze tregon tendenca hegjemoniste të Serbisë ndaj vendeve fqinje.
Presidenti i Serbisë, Aleksandar Vuçiç më 12 mars, se Serbia ka blerë raketa balistike supersonike CM-400 nga Kina. Vuçiç deklaroi se raketat janë tashmë të integruara me avionët luftarakë rusë MiG-29, me rreze veprimi 200 deri 400 kilometra dhe me fuqi të madhe shkatërruese.
