Një ngjarje e rëndë ka ndodhur pasditen e sotme në Sarandë, ku një 31-vjeçar dyshohet se ka dhunuar ish-bashkëjetuesen e tij dhe ka qëlluar me armë zjarri në ajër.
Sipas informacionit të dhënë nga policia, ngjarja ka ndodhur rreth orës 17:30, kur K. C., 31 vjeç, banues në Borsh, ka shkuar në fshatin Shelegar, në banesën e ish-bashkëjetueses së tij.
Ai dyshohet se e ka dhunuar fizikisht atë dhe ka kanosur me armë zjarri, duke qëlluar disa herë në ajër, duke krijuar një atmosferë frike për familjarët e saj.
Policia ka bërë të ditur se grupi hetimor po vijon me veprimet procedurale për dokumentimin e plotë të rrethanave të ngjarjes dhe ndjekjen e mëtejshme të autorit të dyshuar.
