Në një deklaratë të fortë, Presidenti i Kroacisë, Zoran Milanoviq, ka komentuar akuzat e presidentit serb, Aleksandar Vuçiq, se Kroacia, Kosova dhe Shqipëria po planifikojnë një sulm të mundshëm ndaj Serbisë.
Milanoviq e quajti këtë pohim “budallallëk” dhe e hodhi poshtë si të pabazuar, duke theksuar se Kroacia është një anëtare e NATO-s dhe Bashkimit Evropian dhe se nuk ka asnjë qëllim për të sulmuar Serbinë.
“Zoti na ruajt nga vijnë të gjitha ato fonde dhe nëse janë paguar të gjitha. Fakti është se Kina u shiti diçka. Ata gjithashtu blenë disa sisteme lufte elektronike nga Rusia, të cilat janë të klasit të parë dhe do të ishin problem për ushtrinë amerikane,” tha Milanoviq. Ai shtoi se deklaratat e Vuçiqit për një sulm të mundshëm nga vendet fqinje janë “budallallëk,” duke theksuar se nuk ka asnjë mundësi për të planifikuar diçka të tillë.
