Papa Leo XIV ka përsëritur thirrjen e tij për paqe në Lindjen e Mesme, duke kërkuar një ndalim të menjëhershëm të dhunës dhe riaktivizimin e dialogut ndërmjet palëve në konflikt.
Gjatë lutjes së tij javore në Vatican, Ati i Shenjtë theksoi se për dy javë me radhë popujt e rajonit kanë përjetuar vuajtje të mëdha si pasojë e luftës, me mijëra viktima dhe shumë të tjerë të detyruar të largohen nga shtëpitë e tyre.
Ai shprehu ngushëllime për ata që kanë humbur të afërm në sulmet që kanë goditur shkolla, spitale dhe zona të banuara, dhe kërkoi nga palët përgjegjëse për të ndalur përshkallëzimin e dhunës.
Papa Leo XIV bëri thirrje për një armëpushim dhe për hapjen e mundësive për rikthimin e dialogut, duke theksuar se dhuna nuk mund të sjellë as drejtësi, as stabilitet dhe as paqe në rajon.
