Ka ndërruar jetë në Qendrën Spitalore Universitare “Nënë Tereza” foshnja 2 muajshe, e cila u dërgua me urgjencë nga Spitali Rajonal i Korçës për mjekim më të specializuar sepse ishte në gjendje të rëndë shëndetësore.
Foshnja mbërriti dje (13 mars) në gjendje të rënduar dhe mësohet se ka ndërruar jetë disa orë pasi ka mbërritur në QSUT, por pavarësisht ndërhyrjes së mjekëve, nuk ka mundur të jetojë.
Nga ana e grupit hetimor, konfirmohet se materialet për rastin janë dërguar në prokurorinë e Korçës, ku gjatë hetimeve do të zbulohet nëse shkak i vdekjes ka qenë kequshqyerja apo ndonjë problem tjetër shëndetësor që foshnja mund të ketë patur që në lindje.
