Ish-presidenti francez Nicolas Sarkozy do të paraqitet në Gjykatën e Apelit të Parisit për një proces të ri lidhur me akuzat se kishte komplotuar për të marrë fonde të paligjshme për fushatën e tij presidenciale nga regjimi i diktatorit të ndjerë libian, Muammar Gaddafi.
Ky dënim e bëri atë udhëheqësin e parë të një vendi të BE-së që shkoi në burg, si dhe liderin e parë francez pas Luftës së Dytë Botërore që shkoi pas hekurave.
Pas 20 ditësh në burgun e Parisit, të cilat i përshkroi si “tmerr” dhe “përjetim të vështirë”, Sarkozy u lirua në nëntor, duke pritur apelimin dhe publikoi një libër mbi përvojën e tij. Ai qëndroi në izolim për sigurinë e tij, në një qeli individuale prej rreth 9 metrash katrorë me dush dhe tualet privat.
Në gjyqin e vitit të kaluar, prokuroria e akuzoi Sarkozy-n për një marrëveshje me Gaddafi-n si ministër i Brendshëm në vitin 2005, ku do të siguroheshin fonde për fushatën presidenciale 2007 në këmbim të mbështetjes diplomatike për regjimin libian.
Në procesin e ri të apelimit që fillon të hënën, Sarkozy do të përballet me të katër akuzat. Nëse shpallet fajtor, ai mund të përballet me deri në 10 vjet burg.
