Një aksident i rëndë ka ndodhur mesditën e kësaj të marte në bulevardhin “Gjergj Fishta” në Tiranë, ku një autobot i UKT-së ka përplasur një grua 72-vjeçare, Athina Bushi, që po lëvizte me motoçikletë elektrike.
Si pasojë e përplasjes, gruaja ka humbur jetën në vend.
Drejtuesi i autobotit, një 52-vjeçar, është shoqëruar në polici për hetime të mëtejshme. Sipas informacionit nga grupi hetimor, pamjet e kamerave të sigurisë tregojnë se gruaja ka rënë në rrugë pas një pengese dhe është përplasur nga autoboti.
Drejtuesi i mjetit ka deklaruar se nuk e ka parë atë kur ka rënë.
Pas ngjarjes tragjike, Ujësjellës Kanalizime Tiranë ka shprehur ngushëllimet për familjen e viktimës dhe ka siguruar se po ndjekin me seriozitet hetimet për zbardhjen e plotë të rrethanave të aksidentit.
