Gjatë një konference për shtyp në Shtëpinë e Bardhë, presidenti amerikan Donald Trump u shpreh se, nëse Shtetet e Bashkuara do të tërhiqeshin nga Irani në këtë moment, ky vend do të kërkonte “10 vjet për t’u rindërtuar”. Trump theksoi se SHBA nuk janë ende gati të largohen, por do ta bëjnë këtë “në të ardhmen e afërt”.
Ai gjithashtu përmendi mbështetjen e madhe që SHBA ka marrë nga vendet e Lindjes së Mesme, por theksoi se nuk ka marrë mbështetje thelbësore nga NATO. Duke komentuar marrëdhëniet me kryeministrin britanik Keir Starmer, Trump shprehu zhgënjimin e tij, duke thënë se Starmer ishte i gatshëm të dërgonte aeroplanmbajtëses “pasi fituan”, kur, sipas tij, nuk kishte më kërcënim.
Nga ana tjetër, kryeministri irlandez Michael Martin theksoi rëndësinë e marrëdhënieve transatlantike mes SHBA-së dhe Evropës, duke shtuar se Starmer është një lider “serioz” dhe ka mundësi të bashkëpunojë mirë me presidentin amerikan.
