Ministri i Infrastrukturës dhe Energjisë, Enea Karakaçi së bashku me kreun e ARRSH, Ami Kozeli, kanë inspektuar nga afër ndërhyrjet e realizuara dhe hapjen e plotë të qarkullimit të automjeteve në Urën e Milotit.
“Duke filluar prej ditës së sotme e hapim këtë urë për qarkullimin e automjeteve dhe mendojmë se kjo urë shërben edhe gjatë sezonit turistik”, tha Enea Karakaçi, Ministër i Infrastrukturës dhe Energjisë.
Ndërsa sa i përket Urës së re mbi lumin Mat, që njihet si Ura e Berluskonit dhe lidh Milotin me Lezhën dhe Shkodrën, Kreu i ARRSH-së nënvizoi se ura plotëson kushtet e sigurisë për qarkullimin e automjeteve.
“Në Urën Berluskoni, grupi i inxhinierëve të ARRSH ka bërë inspektimet. Jemi në kushte të plota sigurie. Kjo urë i ka themelet 20-28 metër”, sqaron Ami Kozeli.
