Vajzat e ekipit italian Del Savio Vallefoglia Megabox Ondulati triumfuan në Athinë, duke fituar Challange Cup CEV 2026 me një fitore bindëse 0-3 (20-25, 25-27, 16-25) në finale ndaj Panathinaikosit.
Ky ishte titulli i shtatë evropian për ekipet italiane dhe i nënti radhazi që nga sezoni 2023-24.
Erblira Bici, volejbollistja shqiptare e Vallefoglia, shkëlqeu në fushë dhe u shpall Lojtarja më e Mirë (MVP) e ndeshjes së kthimit me 23 pikë, pas një paraqitjeje mbresëlënëse në sfidën e parë, ku kishte shënuar 32 pikë.
Atmosfera në impiantin e zhvillimit të finalës ishte e zjarrtë, me mbi 3500 tifozë që mbështetën ekipin italian. Vallefoglia e mbylli sfidën me një total të dy ndeshjeve 6-2.
