“Ishin tre persona, të maskuar. Kanë hyrë brenda, por janë trembur nga alarmi dhe janë larguar pa marrë gjë”. Një argjendari u tentua të grabitet sot për të disatën herë në Pogradec. Pronari tregoi për mediat cfarë arriti që të shikojë nga kamerat e sigurisë.
“Është hera e tretë që biznesi im vidhet. Unë kam besim vetëm tek ju mediat, jo tek policia. Edhe dy herët e para nuk janë zbardhur. Shpresoj të ndodhë këtë herë. Kemi frikë. Nuk shesim dot, nuk qëndrojmë dot, shikoni çfarë është bërë” thotë ai.
