Nga përvoja ime në organizata ndërkombëtare, e di mirë sa punë bëhet kundër Shqipërisë nga ata që nuk na duan mirë historikisht. E di gjithashtu çfarë vlere kanë zërat shqiptarë që konfirmojnë narrativat e tyre, sepse i legjitimojnë ato në mënyrën që propaganda e huaj nuk mund ta bëjë vetë.
Kritika ndaj qeverisë është e ligjshme dhe pjesë e demokracisë. Avokimi aktiv kundër interesave të vendit tënd para partnerëve strategjikë është kategori tjetër.
PD sot nuk funksionon si opozitë konstruktive. Funksionon si forcë politike që misionin kryesor e ka rrënimin e kredibilitetit të Shqipërisë dhe pengimin e integrimit europian, pikërisht atëherë kur ky integrim kërkon unitet dhe argument, jo akuza të destinuara për konsum të jashtëm.
Kjo nuk ka sens politik. Ka sens vetëm si vetëshkatërrim.
