Edhe këtë të martë, Policia e Shtetit ka vijuar me ndryshime emrash në disa struktura drejtuese të komisariateve dhe drejtorive kufijtare në vend.
Kështu sipas vendimeve të fundit, Alfred Cenaj është caktuar shef komisariati në Komisariatin Nr. 2 në kryeqytet.
Ndërkohë, Arbër Zemani largohet nga detyra e drejtorit të Kufirit në Shkodër për të marrë drejtimin e Drejtorisë së Kufirit në Vlorë.
Po ashtu, Altin Lila është emëruar drejtor i Kufirit në Durrës, ndërsa Agim Basha do të mbajë postin e drejtorit të Kufirit në Shkodër.
Këto lëvizje vijnë në kuadër të riorganizimit të strukturave të Policisë së Shtetit, me synim rritjen e eficiencës dhe forcimin e kontrollit në pikat kufitare dhe në rendin publik.
