Me rastin e festës së Sulltan Novruzit, Presidenti i Republikës, Bajram Begaj, ka shpërndarë një mesazh urimi për qytetarët shqiptarë, duke theksuar vlerat universale që simbolizon kjo ditë e shenjtë.
Sulltan Novruzi, që përkon me ardhjen e pranverës, është një moment reflektimi dhe rinovimi për shumë kultura, dhe për Begajn kjo është një mundësi për të nxitur unitetin dhe harmoninë brenda shoqërisë shqiptare.
“Gëzuar Sulltan Novruzin! Kjo ditë e shenjtë, simbol i pranverës dhe ringjalljes, na kujton forcën e shpresës, dashurisë dhe unitetit. Le të na shërbejë si thirrje për më shumë harmoni e mirëkuptim mes nesh, duke forcuar bashkëjetesën dhe tolerancën që na karakterizon si shoqëri,” – shkruan Presidenti Begaj.
