Apeli i GJKKO ka lënë në fuqi sot, më 25 mars dënimin ndaj ish-kryebashkiakut të Himarës, Jorgo Goro, për çështjen e tjetërsimit të pronave në Livadhe.
Ai ishte dënuar me 2 vite burg për “shpërdorim detyre”, dënim që u ul në 1 vit e 4 muaj për shkak të gjykimit të shkurtuar, të cilin e ka kryer, duke u liruar në gusht 2025.
Gjykata ka vendosur gjithashtu ndalimin e ushtrimit të funksioneve publike për 5 vite.
Sipas akuzës së SPAK, Goro ka përdorur dokumente të falsifikuara për të kaluar prona shtetërore në favor të personave privatë. Për këtë rast, janë konfiskuar rreth 10 mijë m² tokë si dhe një apartament.
