Një tragjedi ka ndodhur në Castelguglielmo, në provincën e Rovigo, ku zjarrfikësit nxorën nga një liqen artificial trupat e pajetë të një gruaje dhe një fëmije rreth një vjeç.
Rrethanat e ngjarjes mbeten të paqarta, ndërsa autoritetet kanë nisur hetimet për të zbardhur shkakun e kësaj tragjedie.
Në vendngjarje ndodhen forca të shumta zjarrfikëse, ndërsa një helikopter me zhytës profesionistë po vazhdon kërkimet për persona të tjerë të mundshëm ose prova që mund të ndihmojnë hetimin.
